«Ахова птушак Бацькаўшчыны» падарыла Гомелю графіці

Грамадская арганізацыя «Ахова птушак Бацькаўшчыны» падарыла Гомелю незвычайнае графіці, эскіз якога падрыхтаваў мастак Алесь Благій, а нанясенне на сцяну школы выканаў мастак Яўген Сасюра.

На мурале – 20 відаў птушак: так і хочацца спыніцца, каб знайсці іх усе. А пасля – шукаць гэтых і іншых птушак у дзікай прыродзе, іншым словам – бёрдвочыць!

Мурал – частка ініцыятывы «Будзь здаровы з птушкамі!», якая рэалізуецца ў межах праекта міжнароднай тэхнічнай дапамогі «Прафілактыка неінфекцыйных захворванняў, прасоўванне здаровага ладу жыцця і падтрымка мадэрнізацыі сістэмы аховы здароўя ў Рэспубліцы Беларусь» (БЕЛМЕД), які фінансуецца Еўрапейскім Саюзам і рэалізуецца ПРААН, СААЗ, ЮНІСЕФ і ЮНФПА у парнёрстве з Міністэрствам аховы здароўя Рэспублікі Беларусь.